एचआईवी एड्स (HIV/AIDS) होने के लक्षण, कारण और उपचार

HIV aur AIDS ko log confuse kar dete hai. HIV karan hai aur AIDS parinam hai. AIDS ko samajne ke liye pehle HIV ko samajhna hoga. 

Yaha aap padhenge HIV AIDS information in Hindi. Pehle HIV ke baare mein jaaniye. HIV ka matlab hai human immunodeficiency virus. Aam taur par ham kai virus ka shikar bante hai jis se flu, khaansi, shardi, swine flu jaise bimari ho jaati hai magar hamara immune system in sabhi virus ka saamna karke phir se hame swasth bana deti hai. HIV ek aisa virus hai jo human body ke immune system ko attack karta hai. Hamare sharir mein immunity ke liye T cells hote hai jo bacteria, kitanu aur toxins se ladte hai aur ise bahar nikal dete hai ya to us ko is tarah lapet mein le lete hai ki voh haani na pahuncha sake. Yeh T cells jis ka doosra naam hai CD-4 cells, hamare rakshan ke liye mahatvapoorna hai. HIV in T cells par humla karke inhe nakamyab bana dete hai. Is ke karan sharir mein rog pratirodhak kshamta khatam ho jaati hai jis ke falswarup insaan ko AAIDS ho jaata hai. To yeh hai jaankari ki ऐड्स कैसे होता है . AIDS ka full form in Hindi hai Acquired Immuno Deficiency Syndrome. AIDS HIV ke infection ka antim charan hai. Sharir mein jab CD4 cells ki maatra kam ho jaati hai aur sharir infections ke samne tik nahin sakta hai to AIDS ho gaya hai. HIV ko nash karne ke liye koi dawai ya vaccine nahin hai. Ek baar HIV virus sharir mein ghus gaya aur infect kar diya to aaj ke tarikh mein is ke liye koi ilaj nahin hai. 

HIV ke lakshan

HIV infection hone par bukhar aata hai aur sadharan antibiotics se mitana mushkil hai. Jaise jaise samay pasar hota hai infection person ko baar baar shardi hota hai, jodo mein dard hota hai, sar dard rehta hai aur kai aise lakshan hai. Is beech HIV virus CD4 cells ka nash karte rehte hai. Is ke karan sharir ka immunity down ho jaata hai aur alag prakar ke infections lag jaate hai. Aisa hone mein 5 se 10 saal bhi lag jaate hai. Is haalat ko AIDS kehte hai. Test karne par agar CD4 cells ki maatra 200 cells se kam ho ek cubic millimeter khoon mein to yeh hai AIDS hone ka confirmation. CD4 cells ki sankhya jyaada bhi ho magar alag prakar ke infections lag gaye ho to bhi AIDS ka yeh lakshan hai. 

Causes of AIDS

AIDS, jiska full form in hindi hai ACQUIRED IMMUNODEFICIENCY SYNDROME, HIV ke karan hota hai. HIV ka virus sex ke dauran ek vyakti se doosre vyakti mein pasar hote hai. Infected blood transfusion se bhi HIV failta hai. Infected needles ke upyog se HIV failta hai. HIV se infected garbhvati mahila apne bachche ko HIV infection de sakti hai. HIV ka fauran ilaj na karne par haalat bigadti jaati hai aur ant mein insaan ko AIDS ho jaata hai jab ki voh bilkul kamjor ho jaata hai aur kai bimariyo ka shikar ho jaata hai. Yeh galat faimi hai ki HIV grast vyakti se haath milane se, baat karne se,us ke karib rehne se aur us ke cheekne se doosre log HIV se infect ho jaate hai. Vaise hi HIV insaan ke thook  ya aasu se HIV failta nahin hai.

AIDS Symptoms

Padhiye AIDS symptoms in Hindi. Pehle yeh jaaniye ki aids kaise hota hai. HIV sharir mein dakhil hote hi bukhar aur aise lakshan dikhai dete hai aur phir mit jaate hai. Is ke baad HIV virus sharir ke andar failta hai aur voh CD4 cells ko attack karke khatam kar deta hai. Samay ke pasar hote immune system kamjor hota jaata hai. 5 ya 10 saal mein ek aisa samay aata hai ki insaan ka immune system itna kamjor hota hai ki us ko kai prakar ke infections aasaani se ho jaate hai aur dawai lene par bhi koi farak nahin padta hai. Is stage ko AIDS ka stage maana jaata hai. 

AIDS एड्स के सामान्य लक्षण इन्हें कभी नजरअंदाज ना करे

• AIDS ke shikar vyakti ke jabaan par aur mooh mein safed par ban jaata hai jo ek fungal infection ke kaaran hota hai. Gale mein kharesh bhi hota hai. 
• Mahilao mein vaginal infections paye jaate hai.
• Purush aur mahilao mein aids symptoms in hindi jaaniye : pelvic inflammation yaane ki kamar ke bhaag mein sojha aur dard. 
• Lasika aur granthi mein soojan, khaas kar ke gale ke bhaag mein aur jaang ke jodo mein jahan lymph glads hai vahan par soojan jyaada ho jaata hai to yeh AIDS ka chinha hai. 
• AIDS se peedit vyakti ko baar baar bimari ho jaati hai. 
• Raat ko neend na aana aur paseena adhiktar hona bhi AIDS ka nishan hai. 
• AIDS ke lakshan hindi mein kahe to mareez ko chakkar aata hai aur hamesha sardard rehta hai. 
• Aids symptoms mein se ek yeh hai ki mareez ka vajan bahut hi jaldi kam ho jaata hai aur voh 10 kilo jitna vajan gava deta hai. 
• AIDS symptom doosra yeh hai ki jaldi se ghaav lag jaata hai aur chamdi nazuk ho jaati hai. 
• AIDS se peedit vyakti ko kayam dast rehta hai aur is ka dawai se koi farak nahin hota hai. 
• AIDS symptoms in hindi ek yeh hai ki mareez ko hamesha sukhi khaansi aati rehti hai. 
• AIDS ke shikar mareez ko saans lene mein taklif hoti hai. Thodasa bhi kasht lene par voh haafne lagta hai. 
• Mooh mein jamuni rang ke chaale pad jaate hai. 
• Tvacha par chaale pad jaate hai ya to daag dhabbe pad jaate hai. 
• Chamdi mein se bina karan khoon behne lagta hai. 
• Mooh mein se, naak mein se, guda dwar mein se, yoni dwar mein se khoon behne lage to yeh ek AIDS ka symptom hai. 
• Pair aur haatho mein behrash hota hai aur dard bhi hone lagta hai. 
• Muscles mein takat kam ho jaata hai. 
• AIDS ka mareez apne muscles par control kho deta hai. 
• AIDS se peedit vyakti ki dimagiya haalat bhi theek nahin hoti hai. Voh confused rehta hai, depressed rehta hai, personality badal jaata hai aur us ke dimag ki kshamta kam ho jaati hai. 

AIDS ke lakshan pragat hote hi us ka parikshan karna chahiye aur nidan hona chahiye. Jab koi vyakti HIV se infect hota hai to sharir mein HIV antibodies paida hote hai. Blood test dwara is ki chikitsa hoti hai. Magar yeh HIV antibodies taiyar hone mein samay lag jaata hai isiliye blood test normal bhi aa sakta hai jab ki darasal voh vyakti HIV ka shikar hai. HIV ke pehle lakshan pragat hote hi HIV antigen test kiya jaata hai. Antigen test turant hi bata dega ki vyakti ko HIV hai ya nahin. Is test se samaysar ART treatment diya jaa sakta hai aur rog failne se roka jaa sakta hai. Ek doosra Hiv test hai jo CD4 count test hai. Sadharan vyakti mein CD4 cells ka count 500 se 1500 prati ml hota hai. AIDS/HIV grast vyakti ke blood mein sirf 200 CD4 cells/ml ka count hota hai. Is ko AIDS ka thos saboot maana ja sakta hai. Do test hai jo HIV/AIDS ke liye prachalit hai. Voh hai ELISA test (Enzyme linked immunosorbent assay) aur Western Blot Test. Doctors patients ka saliva bhi test karte hai. 

AIDS hone par bachav namumkin hai kyonki aaj ke taarikh me koi aisa dawai ya treatment develop nahi hua hai. Behtar hai ki HIV se apne aap ko surakshit rakhe. Sex kisi se kare to bhi full protection jaise ki condom ke upyog ke saath hi kare. Kisi ke infected needles ka upyog na kare. Blood transfusion lene se pehle blood ka test karva ke hi upyog mein le. Bahar shaving karvate ho to naye blade se hi shave karvaye. 

AIDS ek ghatak samasya hai kyonki insaan is haalat mein bahut lambe samay tak peedit rehta hai aur us ka koi ilaj bhi nahin hai. Hamesha apne aap ko surakshit rakhe.

TAGS : #hiv aids ke lakshan #hiv aids symptoms in hindi #aids causes in hindi #hiv aids kaise hota hai #hiv ke lakshan kya hai in hindi #aids symptoms in men in hindi #hiv aids in hindi information #hiv aids ke lakshan in hindi #aids ke lakshan hindi mein #full form of aids in hindi #hiv ke lakshan kya hai #hiv lakshan in hindi #symptoms of aids in women in hindi