Gharelu Face Pack For Face Beauty : घरेलू फेस पैक

Homemade face pack in hindi, gharelu face pack : Chehra nikhra nikhra rakhna yeh to har ek ki jimmedari hai kyonki chehra aap ka pehchaan hai. Taiyar face pack aap kharidenge to in mein kaunse chemicals hote hai is ka koi bharosa nahin hai. Khaas kar ke Far East se jo bahut saste mein face pack aate hai voh haanikarak bhi ho sakte hai. Aap sadiyon se upyog kiye jaanewale gharelu nuskhe for face pack ka hi istemal kare to achcha hoga. Is se koi nuksan nahin hai aur prakrutik tarah se aap ka chehra nikhar jaayega. 

Chehre ke liye senkdo face pack aap bana sakte hai magar yeh dhyan mein rakhe tvacha ke prakar ka. Kai logo ke chehre ki tvacha bahut hi mulayam aur nazuk hoti hai aur thodasa rukha bhi. Aise mein jo drying face pack use karenge to chehre ki tvacha aur bhi rookhi ho jaayegi. Doosri aur hai teli tvacha jis ke liye alag se face pack hote hai. Yahan par har prakar ka face pack aap ko bataya gaya hai. Jo aap ke liye uchit ho vohi istemal kare. Jaaniye homemade face pack in hindi aur aajmaaye aaj hi. 

Face pack for pimples in hindi : कील मुहासे के लिए

Kya aap pimples se pareshan hai? Pimples ke liye benzoyl peroxide yukt cream tvacha ko nuksan pahucha sakti hai. Yahan par bataye gaye gharelu nuskhe in Hindi for face pimples ka upyog kare to bina kisi nuksan fayda hoga. 

• Thoda sa lehsun lekar ise mahin pees de. Is mein Nimbu ka ras milaye ek chamach. Thode boond tea tree oil daale. Chahe to is mein shahad thodasa daal sakte hai. Yeh lep karne se bacteria ka naash hota hai aur pimples ka shaman hota hai. 
• Neem uttam prakrutik aushadh hai kai pareshaniyo ke liye. Neem ke patte ko lekar is ka paste banaye. Thodasa haldi powder mix kare aur chahe to nimbu ka ras bhi daal de. Bas, is lep ko raat ko mal de aur ek mahine tak upyog kare to pimples gayab ho jaayenge. 
• Khatta dahi, multani mitti aur haldi ka paste bana ke chehre par lagane se teli tvacha vale, jin ko pimples ki shikayat jyaada rehti hai. Unhe jaroor fayda hoga. 
• Santre ke chilke ka paste banaye. Thodasa multani mitti aur nimbu ka ras mila ke paste banaye aur pimples vaale chehre par lagaye. Is ka aur fayda yeh hai ki yeh daag aur dhabbe ko bhi gayab kar dega. 
• Gavaarpata ka chilka nikal ke garbh ka paste banaye aur is mein tulsi ke patte pees kar mila ke lep kare. 

Homemade face pack for glowing skin : दमकती चमकती त्वचा के लिए

Chamkila chehra kise pasand nahin hai? Ab aap jaaniye homemade face pack for glowing skin in hindi. 

• Thode se badaam le aur raat bhar bhigo ke rakhe ya to do ghante tak bhigo de aur paste bana de. Ab is mein doodh ka malai ka mishran kare aur chehre par achchi tarah se ghise aur baad mein rui se daba ke poch de. Khaas kar ke jinki tvacha ruksh hoti hai un ke liye badaam aur malai sarvottam hai. 
• Rukhi tvacha vale ko yeh prayog bhi karna chahiye. Nariyal tel mein haldi mila de aur phir thodasa shahad aur nimbu ka ras. Ab is ko achchi tarah se chehre par mal de aur 15 minute baad dho de. Tajjub ki baat yeh hai ki sardiyon mein teli tvacha vale bhi is ka prayog kare to fayda hota hai. 
• Aise hi jin ki tvacha adhi teli ho unhe is घरेलू फेस पैक ka upyog karna chahiye. Kakdi yaane kheere ka paste bana de aur is mein thodasa hali powder aur nimbu mila ke do boond shahad daal de. Ab is gharelu face pack ko laga ke achchi tarah se ghise aur aadhe ghante ke baad dho de. Yeh tel ko choos lega aur chehre ko chamkila bana dega. 
• Haldi, besan, chandan aur doodh to paramparagat chehre ke liye shresht samagri hai. Bas sabhi ko mila ke paste bana de. Thodasa gulab jal daale ya gulab ke pankhudi pees kar aur ghise chehre par achchi tarah se to dead skin cells nikal jaayenge aur chehre ki rangat badh jaayegi. 
• Pakka kela le aur use achchi tarah se masal ke paste kar de aur is mein milaye ande ka safad bhaag aur thodasa malai. Is ko chehre par ghise aur 10 minute ke baad dho de to raunak dekh ke log dang reh jaayenge.

Face pack for dry skin : रूखी त्वचा के लिए

Jinki tvacha rukhi hai unhe chune hue face pack ka hi istemal karna chahiye taaki tvacha aur rookhi na ho jaaye. Yahan par ab jaane face pack for dry skin in hindi kaise banaye aur upyog kare. 

• Malai ke saath gulab ki pankhudi ka paste mila de aur thode boond shahad daale jo natural moisturizer hai. Bas chehre par laga ke ghise aur kapde se daba ke poch de to mail bhi nikal jaayega aur chehra nikhar jaayega. 
• Agar samay nahin milta hai to jhat pat shahad mein nimbu ka ras mila ke mal de chehre par aur aaadhe ghante ke baad dho de. 
• Badam, chironji aur akhrot ka paste bana ke thoda sa malai ke saath mishran bana ke lep kare to dekhiye kaise rukhi tvacha bilkul hara bhara ban jaati hai. 
• Avocado ka garbh ka upyog kare. Is mein fats hoti hai jo chehre ke tvacha ko lachila aur komal bana deti hai. 
• Sardiyon mein nariyal tel aur haldi ka lep kare. 
• Agar kaale dhabbe ho gaye ho ya aankhon ke neeche ke bhaag kala pad gaya ho to haldi, dahi, amla ka ras aur tamatar ka paste ka mishran face pack ki tarah use kare. 
• Chane ka aata, chaval ka aata aur dahi mila ke thode boond hydrogen peroxide lagane se chehra gora hota hai aur kale dhabbe nikal jaate hai. 
• Sirf chironji ka paste thodasa doodh ke saath mila ke lagane se behad fayda hoga aur chehra khil uthega. Sardiyon mein rukhi tvacha ke liye yeh bahut uttam hai. 

Face Pack for Oily Skin

• Jinhe oily skin hota hai aise ek fayda hai ki jaldi se jhuriya nahin padti hai magar pimples hone ki shakyata jaroor hai. Yeh face pack for oily skin in hindi aap ke liye hai agar aap ka chehra teli tvacha vala hai. 
• Multani mitti ka paste banaye aur nimbu ka ras daale aur chehre par ghis de. Multani mitti tel ko shosh lega. 
• Kache alu ka paste mein nimbu ka ras daal ke face pack ki tarah istemal kare. 
• Oatmeal, tamatar paste, pineapple paste aur dahi ka mishran teli tvacha ke liye labhkari hai. 
• Narangi ke chilke ka paste aur besan mila ye lagaye to teli tvacha achchi tarah saaf hoga aur kaale daag bhi mit jayenge. Is mein chahe to nimbu ka ras milaye aur dark circles ke liye bhi istemal kare. 
• Aise hi dahi mein chaval ka karkara aata mila ke lep kare aur ghise to tel nikal jaayega. 
• Teli tvacha mein pimples ho aur chehre pe daag dhabbe bhi ho to gulab ki pankhudi, tulsi ke patte, gavarpata ka juice, haldi powder, besan aur chandan powder ka paste alag alag fayde dega. Daag mit jaayenge. Rang nikhar jaayega aur telipana kam hoga. Pimples mit jaayenge aur twacha saaf aur lachila ban jaayega. 
• Jo log aankho ke neeche dark circles se pareshan hai unke liye kakdi ka paste, gulab ke pankhudi ka paste, nimbu ka ras, haldi aur thode boond hydrogen peroxide ka paste kaale dhabbe aur circles nikalne mein upyogi saabit hoga.

Gharelu face pack for fairness 

Agar aap ka chehra dhoop mein phirne se thodasa shyam ho gaya hai ya to kudrati hi shyam hai aur aap ise gora banana chahte hai to is ke liye face pack for fairness in hindi aap ko bata de. Kudrati tarah se chehre ko gora banana hai to aap upar bataye gaye un lep ka istemal kare jin mein haldi, kakdi, doodh ya doodh ka malai aur nimbu ka ras shamil hai. Is ke alava is pack ka istemal kare: Raat ko sone se pehle nariyal tel mein haldi milade (sardiyon mein) ya malai aur haldi (garmiyon mein) aur chehre par lagaye. 

• Shahad aur nimbu ke ras ka mishran upyog kare. 
• Besan, chaval ka aata, dahi aur haldi ka mishran lagaye. 
• Gulab ki pankhudi, pisa hua jau aur doodh ka mishran kare tvacha ko gora. 
• Badam ka paste aur haldi mila ke chehre par malne se rang gora hota hai. 
• Kachcha papita aur haldi lagane se rang gora hota hai. Pakke papita ka bhi aap upyog kare. 
• Narangi ka chilka ka paste, doodh ka malai aur nimbu ka ras tvacha ko gora banane mein kaargaar hai. 

Yeh hai gharelu nuskhe for face in hindi language jo aap avashya upyog kare jaise aap ko aur jo aap ko anukool ho us tarah se.

TAGS : #beauty tips for glowing skin in summer in hindi #face pack for fairness in hindi #homemade face pack in hindi #face fairness tips in hindi #face pack for pimples in hindi #face pack tips in hindi #homemade face pack for glowing skin in hindi #homemade face packs for dry skin in hindi #homemade face packs for fair skin in hindi #homemade face packs for dark circles in hindi #homemade face packs for pimples in hindi #homemade face packs for normal skin in hindi