Paise Invest Kaise Kare Share Bazar Mein Aur Profit Kare

Paise Invest Kaise Kare Share Bazar Mein Aur Profit Kare

Paise invest kaise kare : Agar aap ka income mein se aap paise bacha lete hai to yeh achchi baat hai. Magar aap paise ko aise hi savings account mein pade rehne denge to paise depreciate honge. Is ka karan hai ki savings account ka interest rate itna kam hai aur inflation rate itna hai ki ek saal ke baad aap ka money ka value down ho gaya hoga. Fixed deposit mein aap ko interest jyaada milega magar capital growth chahiye itna nahin hoga. Share bazar ek aisa marg hai jahan par aap ka paisa invest karne se capital growth ho sakta hai. Yahan khatra bhi hai ki aap ko loss bhi ho sakta hai agar aap poori jaankari ke saath share bazar mein invest na kare. Jaaniye paise invest kaise kare share bazar mein aur apna capital grow kare.

Day Trading

Day trading use kehte hai jahan par aap har roj koi bhi share kharid ya bech sakte hai. Physically aap ko share ka deliverydena nahin hai ya lena nahin hai. Har roj ke trading ke samay ke samapti par aap ka account square off ho jaayega yaane ki agar aapne koi share kharida hai to use bech dena hoga our becha hai to kharid kar sauda balance kar dena hai. Is mein aap ko har roj trading ke samay par computer par prices ko follow karna hai aur jab bhi mauka aaye to kharid/bech dena hai. Is mein mushkili yeh hai ki aaj kal algorithm trading hota hai yaane ki bade brokers ne aisa program set kar diya hai ki computer software hi share ke price par nazar rakhta hai aur khadir/bechne ka decision le leta hai. Is mein aap decision le us se pehle he scene badal jaata hai aur aap dekhte reh jaate hai. Shayad loss hota hai. Isiliye day trading savdhaani se kare aur selected scripts mein hi kare. Technical aur fundamentals ke baare mein aap ko jaankari hona chahiye.

Futures and Options

Day trading mein aap ko har roj sauda square up karna padta hai. Futures and options doosre tarike hai jahan par aap contract period ke andar koi bhi share kharid ya bech sakte hai. Options trading mein aap ko hak milta hai ki share ka ek lot aap chahe to kharid le ya bech de. Future trading mein aap ko kharidna ya bechna anivarya haota hai. Agar futures aur option ke disha mein aage badhna hai to is ke baare mein abhyas karna hoga jis se aap samaj sakenge alag alag terms jaise ki in the money, asset price, strike price aur vagairah. Aap ko technicals aur fundamentals ka bhi khayal hona chahiye aur chart interpret karne ka gyan bhi.

Fundamentals aur technicals

Share trading karne se pehle abhyas karna jaroori hai tabhi jaake safalta milega. Share trading karne vaale do prakar ke hote hai. Ek hai jo company ke balance sheet, profit and loss account aur us ka working par adhar rakhte hai. Doosra prakar ka trader hai jo purely historic chart movement par hi adhar rakhta hai aur us ko gita vachan maan ke apne kharid-bikri ka nirnay leta hai. Share bazar mein paise rokna hai to aap ko dono ka achcha aisa gyan hona jaroori hai nahin to aap sirf luck par adharit hai aur us mein lambe samay mein aap ko nuksan hai. 

Safe raasta--investment

Safe raasta yeh hai ki aap pehle abhyas kare, khaas kar ke companies ke balance sheet ka aur un ke share prices ka. Phir aap us ke share price ke peechle paanch saal ka price movement dekhe. Chart interpret karna aap seekh jaayenge to aap andaaz laga sakte hai ki aane waale samay mein yeh share ka price badhega ya nahin. Bank mein demat account khulva kar aap share purchase kar ke ek baaju mein rakh de. Ab 6 mahine ya saal mein share ka price upar aane par use bech de. Kam price vale shares kharide jin mein price increase hone ki potential hai. Is mein aap ka risk kam hai aur return bhi kam magar assured hota hai. Is dauran aap technicals aur fundamentals ka study kare aur baad mein hi futures aur options mein kadam aage badhaye. Long term investment ke drishti se is tarah ka share kharidna aur bechna safe hai. Dhyan itna rakhna hai ki aap aise share na kharide jin ka future mein price increase hi nahin hota hai.

Dummy trade kare

Paise lagane se pehle aap 6 mahine tak to dummy trading kare. Is ka matlab hai ki aap technical ya fundamental aur chart movement ke adhar par har roj ya periodically share kharidte hai aisa maan kar apne notebook mein likh de. Phir us ka price track kare aur bechne ka bhi nirnay le. Bechne ke baad bhi price par nazar rakhe yeh dekhne ki aap ne top par becha hai ya price abhi increase ho raha hai. Dummy trading karne mein aap ka confidence aur knowledge level badhega aur tab jaake aap taiyar honge real life trading ke liye.

Kam paise lagaye

Shuruaat mein aap ko jitna invest karna hai aap ke paas jitna fund hai us ke sirf 30% se hi kaam shuru kare chote chote trade mein aur record karte rahiye ki aap ko kitna fayda aur kitna nuksan hota hai.

Tips se door rahe

Bahut sare brokers hai jo aap ko kahenge ki aap trading shuru kar de aur aap ko voh tips denge. Kisi ke tips follow karne mein nuksan hi hai. Apna decision market movement, technicals, fundamentals aur doosre political situations, budget, etc. par adharit rakh kar hi nirnay le.

Experts ko follow kare

Share bazar mein kai aise site hai aur kai aise expert hai jin ko aap follow kar sakte hai. Yeh experts khul ke batate hai ki unhone ne ek scrip kyon kharida aur kitne. Yeh experts ko follow karna tips ko follow karne se behtar hai.

Apna khud ka style develop kare

Share bazar mein kai logo ko day trade mein hath baith jaata hai to kai log futures and options mein experts ban jaate hai. Kai log long term investments ke siva aur kuch nahin karte hai. Aap ka lifestyle kaisa hai? Kya aap share bazar pe pura dhyan de sakenge to aap day trading chuniye. Jyada dhyan nahin de sakenge magar achcha aisa samay de sakte ho to futures and options ke marg par chaliye. Agar aap ka job aap ko busy rakhta hai aur samay kam milta hai to shares physically kharid ke rakhe aur sirf us ke prices ko follow karte rahiye. Saal mein ek ya do baar to mauka aata hai jab price difference achcha hota hai aur bech ke aap ko achcha aisa munafa hoga, bank deposit ya interest se kai jyada.

TAGS : #Paise Invest Kaise Kare #paise ki bachat kaise kare #share market me invest kaise kare #share bazar me invest kaise kare #chota business kaise start kare #share kaise kharide #basic knowledge of share market for indian share

Loading...

Leave a Comment

Your Name

Comment

0 Comments

Loading...