Off Page SEO Tips Jaane Aur Website Traffic Badhaye

Off Page SEO Tips Jaane Aur Website Traffic Badhaye

Aap ne apna paid website ka domain registration karva diya aur website design kar ke upload bhi kar diya hai. Ya to aap ne koi blog par apna website banake upload kiya hai. Itna karne se kaam nahin banta hai. Internet ki duniya mein jahan hazaro lakho website hai to logo ko yeh jankari kaise hogi ki aap ke website ka astitva hai? Search ke result ke 100 ya 200 page par aap ke website ka naam hoga to koi bhi vahan tak jayega nahin. Is ka upay hai ki aap SEO kare. 

SEO kya hai

SEO yaane ki Search Engine Optimization. Yek ek kriya hai jis ke karne se website google aur doosre search engine ke results mein aage ke page par dikhai dete hai. Yeh voh kriya hai jinke karne se website par logo ka aana jaana badh jaata hai jis se business mein bhi badhotri hoti hai. SEO do prakar ke hote hai

Onsite SEO (On-Page SEO)

Google aur doosre search engines ne niyam banaye hai aur agar un ke niyam ke anusar website ho to keh sakte hai ki yeh website ka onsite optimization sahi hai. Is mein website ka design, us website ka content, navigation, title aur doose bhaago ko aise set kare ki search engines unhe pyar bhar nazro se dekhe. Offpage SEO karne se pehle onsite SEO perfect hona chahiye matlab ki pehle dukan lagaye phir duniya bhar mein iska istehar kare. 

Offsite SEO (Off-Page SEO)

Is mein hai kriyaei jinke karne se website par traffic aata hai baharuni link banne ke kaaran. Yeh vishal kshetra hai aur is mein kai aise karya hai jinko aap ko karna chahiye agar aap apne website par traffic chahte hai.

Inbound links creation

Agar duniye ke anya website par aak ke website ka link rakha jaaye to inhe inbound link kehte hai. Yeh alag margo se kiya jaata hai. Ek to hai search engine submission, directory submission aur yellow pages submission. Har ek search engine mein suvidha hoti hai ki aap apne website ke baare mein jaankari unhe de. Aisa karne se unke yaha aap ka website register hojaata hai. Aise hi yellow pages aur online directories hai jaise ki dmoz.org. Jab bhi aap apne details denge tab saath mein apne website ka URL bhi likhe. Theek isi tarah se aap ko articles, blogs aur forum posts karna hoga. Jab bhi article sites par aap article submit kare to neeche lekhak ke baare mein likhe aur website ka URL de. Pinterest, Instagram aur aise photo site par jab bhi photo post kare to URL likhe. Youtube jaise site par video post kare aur apne site ka URL likhe. Doosro ke blogs mein aur forums mein replies post kare aur comment post kare aur saath mein URL likhe. 

Yeh bahut mehnat mazdoori vala kaam hai jise aap ko hamesha ke liye karte rehna hai. Aisa nahin hai ki ek mahine ke liye kam kar diya aur aam pak gaye. 

Social media

Jitne bhi social media site hai vahan par aap ka page banaye aur har ek page mein aap ke website ka link rakhe. Har ek social media, jaise ki facebook, mein aap ko active rehke aise kuch interesting materials likhne honge jis se followers bane aur voh bhi aap ke site doosre ko sifarish kare. 

Social media aur anya inbound link creation ke kaam mein aap ko hamesha lage rehna hai. Week mein do ya teen baar to article post kare, blog post kare, video post kare ya social media par kuch na kuch post kare. Result dikhne mein 6 mahine lag jaayenge magar aap dekhenge ki traffic badh gaya hai.

Keywords ka upyog

Agar aap ko offsite seo mein aur aage badhna hai to Google ke analytics tool hai. Is ka code apne webpage mein shamil kar de aur is se pata chalega ki traffic kaisa raha hai, kahan se aaya, kab aaya, visitors kitne the, kinhone aur page visit kiya, vagaira vagaira. Sabhi offsite SEO karyo mein ek baat dhyan rakhe ki aap apni khaas pehchan banaye aur chune hue keywords ka upyog kare. Yeh kaise kare? Pehle aap apne aap ko pehchane. Aap ka site kis cheez ke baare mein hai? Ab google par search mein is matter se sambandhit shabdo ka upyog karke search kare. Is se aap jaanenge ki aur log kin shabdo ka prayog karte hai. Jaise ki agar kisiko phone kharidna ho to voh search mein smartphone shabd likhega. Agar keemat janna hai to “smartphone price” likhega aur agar india mein keemat janna hai to “smartphone price India” shabdo ka upyog karega. Yeh keywords search ke liye aur us ke result ke liye neev ki eent hai. Us ka upyog website mein kare, har ek article mein aur social sites par bhi jahan aap koi bhi content prastut karte hai. 

Ab aap ko prathmik jankari mil gayi hai. Aage badhne ke liye shuru ho jaaiye aur saath mein SEO ka abhyas bhi jaari rakhe.

TAGS : #off page seo techniques 2016 #best off page seo techniques #off page seo techniques list #off page seo tips in hindi #off page seo tips and tricks #off page seo tips 2016 #on page seo tips in hindi #off page seo techniques pdf

 

Is this article helpful?
Loading...

Leave a Comment

Your Name

Comment

0 Comments

Loading...