Yogasana Kaise Kare aur Uske Fayde : योगा करने के तरीके

Yogasana Kaise Kare aur Uske Fayde : योगा करने के तरीके

Yogasana kaise kare aur yoga ke fayde/benefits. Yoga ke aap alag arth nikal sakte hai. Yogasan ki baat kare to aap dekhenge ki asan ko praniyo ke naam diye gaye hai aur is ke peeche karan hai. Sharir ki tanduristi ke liye blood circulation perfect hona chahiye. Kai aise aasan hai jis se tanduristi badhti hai. Sharir tissues se bana hua hai. Kai yogasan aise hai jo tissue aur muscles ki tanduristi banaye rakhte hai. Shwas bhi tanduristi ke liye mahatvapurna hai aur yogasan se shwas kriya sudhar jaati hai. Yogasan se nervous system bhi sudhar jaata hai aur dimag ka santulan banaye rakhta hai. Isiliye yogasan sampoorna swasthya ke liye ek uttam marg hai. Magar yogasan se poora fayda paane ke liye sahi tarike se karna chahiye.

योगा के फायदे

  • Yog se blood sugar level niyantrit rehta hai.
  • Yoga hamari body ko flexible banata hai.
  • Yoga karne se hum tanaw mukt rehte hai.
  • Roz yoga karne se hamari sehat achi bani rehti hai.
  • Yoga karne se hamari body ke joints bi healthy aur mazboot bante hai.

Yogasana ke liye samay sahi chune

Yogasan karne ke liye sabse uttam samay hai prabhat yaane ki suryoday ya us ke pehle. Savere uth ke pehle aap 10 to 20 minutes tak alag prakar ke aasan kare to pure din aap tanav-mukt aur energetic rahenge. Subah aap fresh hote hai aur energy bhi jyaada rehta hai. Aap chahe to dopahar ko ya to sandhya kal yoga kar sakte hai magar sab se jyada fayda aap ko savere hi milega. 

Yogasana ke liye sahi jagah chune

Yogasan ke liye sab se uttam jagah hai ek garden jahan par vatavaran bilkul shaant ho. Khulle mein yogasan karne se aap nature ke saath ek ho jayenge. Agar aap flat mein rehte hai to phir flat ke balcony par ya to phir terrace par jaake yogasan ka prayog shuru kare. 

Har roj kare

Jaise aap ki saanse hamesha chalti hai aur dil bhi hamesha dhadakta hai aise hi aap ko yoga ka practice regularly karna hoga. Har roj, chune samay aur jagah par aap yoga jaroor kare to lambi umar tak swasth rahenge. 

Khaali pet aur sahi posture apnaye

Kyonki yoga mein stretching aur compression hota hai isiliye aap ko khaali pet par hi yoga ka practice karna theek hai. Agar aap padmasan aur similar yogasan karte hai to spine ko bilkul seedha rakhe.

Pehervesh

Yogasan karne ke liye kapde bhi uchit hone chahiye. Cotton ke loose fitting kapde pahen kar hi yogasan kare. 

Yogasan ke tarike

  • Yogasan karne mein jhatke nahin hone chahiye. Aap ke movements slow hone chahiye aur sharir ko kasht na ho aise hi practice kare. Shuru mein stretching ya compression mein taklif hoga magar practice se aap ke liye yeh kriya aasaan ho jaayegi. 
  • Agar aap aage jhukte hai to dheeme se jhuke aur jab seedhe ho jaate hai to bhi dheeme se kare. 
  • Jo final position hai, use ho sake itne samay tak maintain kare. Agar kasht hone lage to normal position pe return ho jaaye.
  • Har ek asan ke baare mein jaankari paaye aur us aasan se hone vale fayde ko dhyan mein rakhte hue us asan ka prayog kare. 
  • Uchit rasta yeh hai ki aap har ke aasan ke bad shavasan kare magar bilkul anivarya nahin hai. 
  • Agar aap ko koi bimari hai, spine ka taklif hai ya aise koi sharirik taklif hai to us se sambandhit asan na kare. Spine ki taklif ho, for example, to sirsana varjit hai. 

Alag alag prakar ke asan kare

Jaise upar bataya gaya hai alag alag yogasan sharir ke alag alag functions par asar karte hai. Isiliye har roj aise 4 alag yogasan kare jo aap ke blood circulation, muscular or skeletal system, tissues, central nervous system aur respiratory system par asar karte hai. 

Yogasan ke saath yeh bhi kare

Yogasan ko aap purely physical drishti se dekhe to exercise hai magar yeh aur bhi bahut kuch hai. Yogasan se aap mein santulan aayega aur voh tab aayega jab aap yoga ke saath dhyan, pranayam aur mudra ka bhi prayog karte hai. Jab bhi aap koi aasan ajmate hai to sharir apne aap breathing adjust karta hai isiliye pranayam saath mein nahin karna chahiye. Yeh dhyan mein rakhe ki pehle yogasan kare aur pranayam us ke baad mein. Jab pranayam karte hai tabhi aap mudra ka bhi prayog kar sakte hai. Pranayam padmasan ya to ardh padmasan mein karna uchit hai. 

Karne laayak asan

  • Maas peshiyo ke pushti ke liye aap bhujangasan, salabhasan, yogamudra paschimatana, ardha masyendrasan aur vakrasan ka prayog kare. 
  • Circulatory system ke swasth ke liye sirsana, sarvangasana aur viparitakarani kare aur saath mein uddiyana aur nauli ka prayog kare jis se abdominal cavity mein diaphragm upar ke taraf uth jayega aur dil ko massage karega.
  • Respiratory system ke swasth ke liye salabhasana aur mayursana shresht hai. 
  • Dhanursana aur bhujangasan kartesamay uddiyana aur nauli ka prayog karne se aap ka endocrine system swasth rahega aur aap ke glands aur organ ka health improve hoga. 

Ardha salabhasana, viparitakarani, sarvangasana, mayurasan jaise asan karne se aap ka central nervous system, spine aur brain perfect health mein rahenge. 

50 se bhi jyada alag prakar ke yogasan hai. Sabhi asan karna mumkin nahin hai magar upar bataye gaye aap ke sharir ke alag functions aur parts ke liye jo asan hai unhe karne ka koshish kare. Aur kuch nahin to buddha padmasan ya to ardha padmasan kare. Is aasan mein aap prayanayam kar sakte hai aur mudra bhi aur saath mein dhyan bhi.

TAGS : #yoga kaise kare in hindi #yoga karne ke niyam #pet ke liye yoga in hindi #yoga ke fayde hindi me #yoga ke niyam in hindi #yoga ke prakar in hindi #yoga ke aasan #yoga karne ke tarike in hindi

Loading...
Leave a Comment

Your Name

Comment

0 Comments