Waxing Tips at Home in Hindi : Ghar Par Hi Banaye Apni Wax

Waxing Tips at Home in Hindi : Ghar Par Hi Banaye Apni Wax

Waxing Tips at Home in Hindi : Sharir par se anchahe baal hatane ke kai tarike hai. Ek to hai shaving. Shaving aasaan hai magar bal jaldi se oog aate hai aur rough ban jaate hai. Doosra tarika hai hair removing ya depilatory cream. In me rahit chemicals se allergic reaction ho sakta hai. Aur tariko mein hai electrolysis aur laser hair removal. Yeh permanent solution hai magar kaafi mehnga sabit hota hai. Waxing aasaan hai aur sasta bhi hai. Is se aap ki tvacha aur phir oogne wale baal dono mulayam ho jayenge magar body waxing sahi tarike se karna chahiye tabhi is ka poora fayda hoga. 

Body hair remove karne ke liye do prakar ke wax ka upyog hota hai. Ek mein aapko milega paraffin wax aur doosra banta hai chini, shahad aur nimbu, jo ki paraffin wax se behtar hai. Paraffin wax ko tvacha par se hatane mein thoda sa kasht hota hai jab ki chini mein se banayi gayi wax aap body waxing, leg waxing, underarm waxing aur face waxing ke liye bhi aap upyog kar sakte hai. Ghar par banaya khud ki wax safe hai aur aasaani se paani mein dhul jaati hai. 

Ghar par banaiye khud ki wax is tarah

Ingredients:

  • 200 gram chini powder
  • 1-2 nimbu ka ras
  • tea tree oil 2-3 boond ya gulab jal
  • 100 gram shahad, jaroorat pade to jyada

Methods:

  • Ek bartan mein chini powder aur thoda sa paani daal ke garam kare. 
  • Chaasni ka rang brown hone tak aanch de aur hilate rahe. 
  • Phir is mein shahad daal ke hilate rahe. 
  • Gaadha paste banna chahiye. 
  • Shahad ki matra aise hi adjust kare aur nimbu ka ras ghol de. 
  • Ab ise aanch se nikal ke kapde mein se chaan ke thanda kare. 
  • Is mein thodasa gulab jal ya tea tree oil mix kare. 
  • Thanda hone par is ka istemal kare body waxing ke liye. 
  • Chehre waxing bhi safe hai is mishran se aur yeh mahin baalo ko bhi kheench nikalega bagair kisi nuksan ke. 

Waxing tips aur savdhani

Theek se waxing karne ke liye yaha bataye gaye waxing tips ko dhyan mein rakhe. Laparvahi se aap ko kasht hoga. 

  • Lignocaine gel ka ek tube apne paas rakhe. Yeh anaesthetic yaane ke sunn karne wala gel hai. Aap lignocaine spray ka bhi istemal kar sakte hai. 
  • Cotton kapde ki patti ya paper ki patti taiyar rakhe. 
  • Thoda sa corn flour ek kapde mein bandh kar ke potli banaye. 
  • Pehle to achi tarah se naha le taaki tvacha par se ho sake itne dead skin cells aur dirt nikal jaaye. Bal bheege karne se yeh naram ho jaayenge aur aasaani se ukhad jaayenge. 
  • Ab lignocaine ka spray ya gel laga le aur kapde se poch de. 
  • Ab sharir par cornflower potli se halka dusting kare.  
  • Body waxing, leg waxing ya underarm waxing ab shuru kare. 
  • Bade chamach ke peeche ke bhaag se ya phir spatula se wax ko baal jis disha mein ugte hai usi disha mein lep kare. 
  • Baalo ke growth ki disha mein hi aap upar se neeche cotton kapde ki patti ya kagaz ki patti ko tvacha par daba de. 
  • Ab aap ko patti ko neeche se, baal jis disha mein ugte hai uski viparit disha mein jhatke se kheench ke ukhadna hoga. Doosre haath se vahan ke tvacha ko daba ke rakhe.  
  • Patti ke saath baal bhi jad se ukhad jaayenge. 
  • Ab aap paani se phir se naha le aur baad mein coconut oil ya cream tvacha par laga le. 
  • Doosri baar body waxing karne se pehle 10-15 din ka antar rakhe taaki baal job ach gaye hai voh thode lambe ho sake. 
  • Savdhani is baat ka rakhe ki aap ke tvacha par koi ghav na ho. Infection bhi ho to is ka upyog na kare. Mahilao ko pregnancy mein aur period ke time par waxing nahin karna chahiye. Baal kam se kam ek chaval ke daane jitna lamba ho to achchi tarah pakad mein aayega aur ukhad jayega. Agar underarm waxing karna hai to pehle scissors se baalo ko kaat le aur chota banaye. 

Waxing ke fayde

  • Body waxing, leg waxing aur underarm waxing agar aap yaha bataye gaye waxing tips ke anusar karenge to kai fayde hai.
  • Tvacha bilkul mulayam aur lachila ho jaayega. 
  • Hair remover creams se daane padne ki sambhavna hai. Ghar par banaye khud ki wax se yeh risk nahin hoga. 
  • Waxing se baal jad mul se ukhad jaate hai aur aap ko lambe time tak rahat milta hai. Shave karne se doosre aur teesre din mein hi baal nikal aayenge aur saundarya ko kam karenge. Shave karne se tvacha dark ho sakta hai. Waxing se yeh pareshani nahin rahegi. 
  • Koi baal bach gaye ho to phir se wax na kare. Tweezer se kheench le. 

Jaroori nahin hai ki aap ghar par hi wax banaye. Agar aap ki tvacha mulayam aur komal hai to phir cream based wax kharid kar ke us ka upyog leg waxing aur body waxing ke liye kare. Agar Aap ka skin normal ya oily hai to phir aap  shahad, nimbu aur chini ka banaya wax upyog karenge to rough skin bhi mulayam ho jaayega. Agar aap ne taiyar wax kharida hai to is ka manufacturing aur expiry date avashya check kare. Purana wax achchi tarah se kaam nahin karega. 

Ab rahi baat chehre ki. Chehre par aam taur par mahin baal hote hai jo aise to dikhte nahin hai. Yeh fine hair ko remove karne ke liye thoda sa savdhani chahiye. Agar ¼ inch jitney lambe ho to aap yaha bataya ghar par banaye chini-nimbu ras ka wax upyog face waxing at home karne mein safal rahegi. Agar baal baarik hai to phir aur prayog kar ke dekhe. 

Face waxing at home karne ke liye ubtan banaye is tarah: 

  • 2 chamach besan
  • 2 chamach chaval ka aata
  • 2-3 chamach shahad. 
  • Besan mein shahad milaye aur phir chaval ka aata dalte jaaye.
  • Jab thick paste bane to shahad daal de aur milaye.
  • Is ubtan ko chehre par achchi tarah masal ke ghiste rahiye.
  • 10-15 minute ghisne ke baad thande paani se dho de. 

Upar bataye gaye ghar me bani wax mein aap chini ke badle gud ka istemal bhi kar sakte hai. 

Besan ya aate ko achchi tarah gooth le aur is mein jaitun ka tel mila le aur yeh ubtan chehre par laga le. Yeh prayog leg aur body waxing ke liye yogya nahin hai, chehre par achcha parinaam dega. 

Ek kachcha aloo le. Is ka paste banaye. Ab urad ya masoor dal ko bhigo ke rakhe aur is ka paste banaye. Ismein thoda sa nimbu ka ras mila de. Is mishran ko chehre par ghise. Yeh face waxing ke liye achcha hai, khaas kar ke unke liye jis ka skin bahut sensitive hai. 

Ek aur prayog bhi aap kar sakte hai. Ek chamach fatakdi le aur is mein 2 boond til ka tel dale aur saath mein 2 chamach gulab jal. Achchi tarah hilaye taaki fatakdi ghul jaaye. Ab is ko koi rui se apne chehre par lagaye. 

Yeh prayog gunkari bhi hai aur asarkarak bhi facial waxing at home ke liye. Ande ko tode aur us mein se peela bhag nikal de. Is mein ek chamach ya aadha chamach corn flour mila de. Ab ek chamach chini ka powder is mein milaye. Yeh lep apne chehre par lagaye aur sookhne de. Sookhne ke baad is par ko kheench ke nikale to chehre par baal bhi saath mein nikal aayenge. Ek saptah mein 3 baar is prayog karne se chehre par ke baal bilkul hat jaayenge. 

Ek pakka kela le aur is ka paste bana le. Is mein ek chamach ya do chamach oatmeal achchi tarah mila le. Is paste ko chehre par lep kare aur sookhne de. Aadhe ghante ke baad dho de. 

Agar aap ke chehre ki tvacha bahut hi sensitive hai to kachcha papita upyog mein le. Kachche papeete mein papain enzyme hota hai jo tvacha ke liye gunkari hai aur baalo ko badhne se rokta hai. 1 cup kate hue papita ka paste bana le. Is paste mein adha chamach haldi powder milaye aur ise ubtan ki tarah chehre par ghise. Yeh aap ke sharir par, underarm waxing aur leg waxing ke bhi kaam aayega. Yeh prayog har doosre din 10 din tak kare to aap ka tvacha baalo se mukt rahega. Agar aap chahe to is mein kumari (aloe vera) ka ras bhi mila sakte hai. 

Aur kuch nahin to haldi aur doodh ka prayog bhi face waxing at home ke liye ek asarkarak upay hai. Haldi aur besan mila le aur is mein doodh daal ke paste bana le. Is ka ubtan chehre par kare aur achchi tarah se ghiste rahe 10 minute tak. 

Besan, dahi aur urad dal ka paste bhi ek aur aksir ilaj hai chehre par se baal hatane ke liye. Besan, haldi, urad dal ka aata ya paste ko dahi ke saath mila ke paste banaye aur chehre par lagaye aur ghisiye. Ab ise sookhne de. Sookhne ke baad phir achchi tarah ghise. Is se aap ki tvacha ko bhi fayda hoga aur baal bhi kam ho jaayenge. 

To yeh hai waxing tips at home in hindi. Waxing ke paschyat aap dekhengi ki aap ki khubsurti mein char chand lag gaye hai isiliye thoda kasht uthaye aur regular waxing karte rahe.

TAGS : #Waxing Tips at Home in Hindi #best way to remove underarm hair #underarm waxing tips #leg waxing tips #waxing tips for men #car waxing tips #waxing tips for sensitive skin #after waxing tips #waxing tips and tricks #waxing at home in hindi #waxing armpits #waxing underarms #home hair removal #hair removal at home #best at home hair removal #underarm wax #armpit wax #bikini waxing at home

Loading...
Leave a Comment

Your Name

Comment

0 Comments