Kesar/Saffron Benefits in Hindi : केसर के फायदे और गुण

Kesar/Saffron Benefits in Hindi : केसर के फायदे और गुण

Kesar/Saffron Benefits in Hindi : Hazaro saalo se kesar ya zafran spices ki shrankhala mein uchch sthaan par hai, sone se bhi mehnga aur atyant gunkari. Is ki khushboo lajawaab hai magar is mein rahit crocin ka sunhara rang bhi itna hi shaandaar hai. Kesar mein hai picrocrocin, zeaxanthin, lycopene, beta carotene aur safranal paye jaate hai. Saffron ke sevan se mood sudhar jaata hai aur depression se pidit logo ke liye yeh shresht maana jaata hai. Aur bhi kai fayde hai kesar ke. Jaaniye saffron benefits in Hindi aur dekhiye kaise aap is ka laabh utha sakte hai. 

Kesar halwa main, doodh main aur biryani ko ek shahi andaaz deta hai aur khaane waalo ko khush kar deta hai. Is kea lava saffron benefit deta hai skin ko. Yahan aap jaanenge saffron skin benefits, kesar benefits in hindi. Kesar spices ka raja hai. Us ki khaas mehak khan paan ki cheez ko ek shahi andaaz deta hai. Saath mein is ka sunhara rang bhi koi bhi khaane ko royal touch deta hai. Yeh hi nahin, kesar swasthya aur saundarya ke liye bhi bemisaal hai. 

केसर के फायदे

  • Chehre ki khoobsurti badhata hai kesar.
  • Rang gora karne mai bhi khoob asardaar hai kesar.
  • Kesar milk peene se aapke sharir ki taqat badhti hai.
  • Kesar aankho ki roshani tez karne mai bhi madad karta hai.
  • Masudo ki samasyao ko theek karne mai madadgaar hai kesar.
  • Agar sir dard hai hai to kesar aur chandan ka lep bana le aur sir pe lagaye.
  • Agar aap kesar ko doodh ya chai mai upyog karte hai to aapka blood pressure control mai rehta hai.
  • Kesar aapke hair loss(baalo ka jhadna) ko rokta hai, kesar ko nariyal ke tel mai milakar 10 se 15 mnt massage kare.

Kesar benefits kai hai. Is mein poshak tatva hai magar, kyonko ham is ko bahut hi kam maatra mein khaate hai, to yeh ek savaal hai ki un tatva ka koi asar hota hai ya nahin. Khair, saundarya par aur dikhave mein to kesar ka asar turant dikhai dega bhale hi is ko ansh maatra mein upyog kiya hai. Kesar benefits in hindi, chehra ka rang aur roop aap badal sakenge kesar se. Face pack banaiye aur beauty treatment kijiye ghar pe thodasa kesar ke madad se. 

Tvacha ke liye saffron ke prayog

  • Kesar ko kai anya padarth ke sath mishran kar ke face pack aap taiyar kar sakte hai:
  • Kesar aur chandan: Kesar ko ek chamach garam paani mein bhigo de aur chandan powder ka paste banaye. Kasar ko achchi tarah ghot de aur chandan paste mein mila ke phir se mix kare. Yeh paste ko chehre par lagane se thandak milta hai aur muhaso se chutkara milega. 
  • Kesar aur dood: Kesar ko 3-4 chamach garam doodh mein bhigo ke is ka lep karne par chehre par ek sunehra chamak aa jaayega. 
  • Kesar papita: Papita ka paste banaye. Kesar ko garam paani mein bhigo ke mila de papita ke paste main aur chahe to ismein thodasa nimbu ka ras aur shahad milaye. Yeh face pak se chehre ka tvacha bilkul saaf hoga aur ek freshness aa jaayega. Papita mein papain enzyme dead skin cells ko nikal dega aur tvacha bilkul komal banega. 
  • Kesar badam: Kesar aur badam ka anokha rishta hai jo vyanjan ko swadisht banata hai. Tvacha ko bhi badam kesar benefit denge. Badam aur kesar ko alag se garam paani mein bhigo de aur paste banake chehre par ghise. Thodasa shahad bhi milaye to jhuriya aur kale dhabbe door ho jaayenge. 
  • Kesar coconut oil: Nariyal ka tel mein kesar ko barik powder karke milaye aur thodasa garam kare. Yeh dry skin ke liye uttam hai. Winter mein khaas prayog karne se skin moisturize rahega. Saath saath chehra ka rang gora ho jaayega

Kesar aur chandan kaise nikhare aapki tawacha

kesar aur chandan

Haldi aur chandan ke gun to sabhi ko maaloom hai. Kesar to sone pe suhaga. Kesar ko thoda sa bhigo de aur usi paani main chandan ka powder milake ek paste banaiye aur adha chamach doodh dale. Is paste ko chehre par lep kare. Is se acne, pimples (pimple hatane ke nuskhe), oily skin sabhi ka shaman hota hai. 

Chehra khil uthega papita aur kesar se

Kachche papita ka asar alag hai aur pakke ka alag hai. Kachche papeete mein enzymes jyada hai jo skin problems ko door karta hai. Pakka papita skin ke liye tonic hai aur is mein vitamin A, C aur antioxidants hote hai.

  • To aap ke skin ka condition to khayal mein rakh ke kachcha ya pakka papita le aur is ka paste banaye.
  • Ab kesar ko thoda sa garam doodh mein milaye aur achchi tarah kuchal de.
  • Is mein papita ka paste milaye aur maliye apne chehre ke tvacha par.
  • Dekhiye kaise rajkumari jaisa aap ka chehra khil uthega. 

Nikhar jaaega chehra kesar aur doodh se

Kesar vaala doodh peene ka maza to hai hi, to phir thodasa bachake rakhe aur apne chehre ke tvacha ko bhi pilaiye. Voh bhi khush hoke nikhar jaayega (gharelu nuskhe for face beauty). 

Kesar, tel aur doodh

Kesar aur doodh ki jodi to anmol hai magar is mein agar thoda sa nariyal tel mila de to triputi bejod hai. Chehra aise chamkega jaise andar se hi roshni bahar aata hai.

Hataye jhuriya badam, shahad aur kesar se

badaam, shahad aur kesar

Royal treatment agar dena ho tvacha ko to phir istemal kare badam ko. Is ko bhigo ke pees de aur phir is mein shahad milaye. Pehle hi se garam paani mein kesar ko bhigo ke rakhe aur is paani mein kesar ko mix kar de. Doosra tarika hai ki kesar ko ungli ke beech me kuchal ke powder kare aur is powder ko badam aur shahad ke paste mein mila ke rakh chode. Is paste ke upyog se chehre par damak aa jaayegi aur kale dhabbe, jhuriya aur acne mit jayenge (shahad ke ye bhi hai laabh). 

Shakti ke liye kesar

Sharirik shakti aur stamina badhane ke liye doodh ko achchi tarah ubale aur is mein bhigoya hua kesar daal ke phir thodasa garam kare aur chini milaye. Is doodh ko raat ko peene se nidra achchi aati hai aur taqat badhega. 

Kidney aur liver

Kesar benefit deta hai liver ko aur kidneys ko. Koi bhi kidney ya liver related taklif ho to saffron ka upyog jaroor kare. 

Bukhar mein kesar

Saffron benefit dega bukhar mein aur jaldi se marij theek ho jaayega. Crocin se bukhar ka shaman hota hai. Kesar doodh piye (bukhar ka desi ilaj). 

Aankho ke liye kesar

Kesar ka niyamat sevan karne se aap ko beta carotene milega jo aankho ka tej banaye rakhega. 

Anya upyog aur Kesar/Saffron benefits

kesar ke fayde

  • Jodo ke dard ke liye bhi kesar ka upyog uchit hai.
  • Kesar ka doodh chote bache ko pilaye jab unhe khaansi aur jukham ho jaaye. 
  • Kidney aur liver health banaye rakhne ke liye avashya kesar ka upyog kare. 
  • South India mein khaas kar ke garmi ke mausam mein maathe par chandan ke lakde ko ghis ke lagate hai thandank ke liye. Is sheetalta ka praman badh jaata hai jab aap kesar bhi is mein shaamil kare. Yehi upaay kare jab aap ko sar mein dard ho. 
  • Kesar ke sevan se gas aur acidity mein fayda hota hai kyonki kesar mein rahe antioxidant aur essential oil gas ko kam karenge aur acidity ka shaman karenge. 

Kesar mehnga hai magar sone jaisa hai aap ke svasthya aur saundarya ke liye. Aap ne yaha jaane kesar benefits in hindi jo jaroor aajmaaye.

  • Saffron benefit deta hai aap ko agar arthritis se pareshan hai aur masudho ko bhi yeh majboot banayega. 
  • Genuine saffron hi istemal kare. Sirf ek dori doodh me dale aur 15 minute ke baad dekhenge to gehra peela rang pakdega aur khushboo bhi hoga. Nakli kesar mein khushboo nahin hoga. 

To yeh hai saffron benefits in Hindi. Jaroor aap kesar ko apne jivan mein shamil kare aur is ka fayda uthaye. 

Ise Bhi Jaaniye

Loading...
Leave a Comment

Your Name

Comment

1 Comments

natasha, Mar 23, 2016

Aapke tvacha ke liye saffron ke prayog bahut bariya hain thankyou

Loading...