Janiye Nimbu Ke Anek Fayde, Nimbu Mai Chipe Hai Kai Healthy Raaz

Janiye Nimbu Ke Anek Fayde, Nimbu Mai Chipe Hai Kai Healthy Raaz

Nimbu ke anek fayde. Nimbu khatta jaroor hai magar usme swasthya ke liye anek gun hai. Nimbu pani ka sevan har roj ek ya do bar karne se blood swach rehta hai aur sharir ko bharpur matra mein Vitamin C milta hai. Iske alava Nimbu mein pectin hai, potassium hai, thodasa ansh Vitamin A, calcium aur Iron hai.  Har roj pratah kaal pani ko garam kare aur usme nimbu nichode. Dhyan rakhe ki chilka ke saath nimbu pani mein dubo ke nichode taaki chilke mein limonene jaise essential oils bhi sharir ko prapt ho. 

1. Detox yaani zeher nikale

Pratah kaal, khali pet yeh prayog kare:

  • 1 glass pani garam kare
  • 1 nimbu usme achi tarah nichode aur chilke ke saath pani ko garam kare
  • Thodasa jeera, thodasa kali mirch powder aur thodasa pisa hua adrak milaye
  • Nimbu paani ko chaan le aur usme 1 chamach shahad milaye aur piye
  • Chahe to usme saunf ka powder aur kala namak bhi mila le. 

2. Nimbu pani ke Faayde

  • Is prayog se pet saaf ho jata hai. Chehre par kale daagh aur dhabbe mit jayenge. Malaria mein bhi atyant laabhkari hai. 
  • Yakrut ki tandurasti badhti hai
  • Intestines saaf hota hai, bacteria mar jaate hai aur mal tyag hota hai.
  • Immunity badhta hai.
  • Joint mein dard kam hota hai kyonki citric acid urea ko dissolve kar deta hai.
  • Potassium heart aur brain ke liye tonic ka kaam karta hai jisse aap pura din active rehenge.
  • Acidity reduce karta hai.
  • Pachan tantra sudhar jaata hai. 
  • Kidney stone hone se rokta hai.
  • Kabj door ho jata hai.

3. Nimbu pani ke Anya prayog

  • Bhukh jagaye
  • Savere khali pet yeh prayog kare ya to bhojan ke aadhe ghante pehle.  
  • Garam pani mein ek nimbu ko chilke ke saath achi tarah nichode
  • 2 chipti kala namak powder dale
  • Thodasa  pepper (kala mirch) powder, 1 chamach adrak paste milaye
  • Ek glass nimbu pani peene se bhukh khul jayega. 

3. Daad aur khujli

  • Nimbu ke beej ko pise aur thodasa nimbu ka ras milaye isko daad aur khujli wali jagah par ghise.
  • Thodasa haldi chidke aur ek ya do boond coconut oil upar dale.

4. Charbi pighlaye

Motapa badh gaya ho to pratah kaal yeh prayog kare:

  • 1 glass garam paani mein ek nimbu ka ras nichode
  • 1 ya 2 chamach shahad milaye aur pine se sharir mein charbi pighlega. 
  • Isko aur aksir banana ke liye ismein adrak paste milaye aur karela ka juice bhi milaye.

5. Sirdard door kare

Chai ya coffee peene ke bajay yeh drink banaye:

  • 1 glass paani ko ubale. Ismein green tea milakar ubale aur saath mein ek adha nimbu bhi nichodkar ubale. 
  • Chaan le.
  • Pasand ho to thodasa shehad milakar yeh nimbu pani tea drink kare. Sirdard door ho jayega
  • Raat ko soneke pehle peene se stress se relief milega aur neend bhi achi tarah le payenge.

6. Baal jhadte ho to

  • 100 gram nariyal tel
  • 50 gram castor oil
  • 1 cup lemon juice
  • 1 cup onion juice
  • sabhi ko mix karke halke aanch par ek bartan mein garam kare jab tak ki paani ud na jay.
  • Bottle mein bhar le.
  • Sar mein rojana mal de ungliyo se.

7. Dusra nuskha

Nimbu paani mein amla juice milakar baalo mein lagaye har roj.

Loading...
Leave a Comment

Your Name

Comment

4 Comments

Namrata, Jan 29, 2016

I agree

Parshant, Jan 04, 2016

very usefull..thnx

shiva, Jan 04, 2016

thanx for nimbu ke fayde..

Shikha, Jan 04, 2016

i\'ll surely try them...