गर्मी से बचने के उपाय : Garmi Se Bachne Ke Liye Gharelu Tarike

गर्मी से बचने के उपाय : Garmi Se Bachne Ke Liye Gharelu Tarike

Garmi se bachne ke upay in hindi : Garmi yane summer. Summer aata hai to summer vacation saath mein laata hai aur bachcho ko khushi hoti hai ki chutti ke dino mein voh khoob ghoomenge aur aish karenge. Adults ko bhi garmiyon mein ichcha hoti hai ki kahin cool hill station par jaaye. Magar sabhi ko yeh nasin mein nahin hai. Garmi mein temperature high ho jaata hai aur garm hawa bhi aap ke liye hanikarak hote hai. Garmiyon mein agar kadi dhoop mein aap ghoomenge to ho sakta hai ki loo lag jaaye aur doosri bimari bhi lag jaaye. Garmiyo ko enjoy kare magar apne aap ko garmi se kaise bachaye yeh bhi khayal mein rakhe. 

Garmi so hone wali bimari

  • Agar aap garmiyon mein dopahar ke samay bina koi protection ke ghoomenge to aap ko taklif hoga. Loo lagne ki shakyata badh jaati hai. Agar loo lag jaaye to is ke lakshan hai ki aap ko chakkar aa jaata hai aur gabhrahat hoti hai. Yeh serious hai aur is se aap ko bache rehna chahiye. 
  • Agar aap do ghante bhi dhoop mein ghoomenge aur paani nahin piyenge to dehydration hoga. 
  • Dhoop mein aap ko sunburn hoga aur tvacha kali pad jaayegi. Is ke alava aap ke sharir par rashes honge jis ko ghamoria kehte hai, yaane ki prickly heat. 
  • Kabhi kabhi kai logo ko naak mein se khoon behta hai aur ulti bhi hoti hai, yeh loo ke chinha hai. 

Garmi ka asar kab jyaada hota hai

  • Jab bahar ka taapmaan 40 deg. C jitna ho jaaye aur aap sar ko dhake bina, khule paao aur synthetic kapde pehn ke bahar jaayenge tab garmi ka asar ho sakta hai. 
  • Aap khaali pet aur paani piye bina bahar jayenge to bhi garmi ka asar hoga.
  • AC mein se turant bahar jaana, naha kar bahar jaana, aap ko garmi ke aad asar ka risk badha deta hai. Bahar se aake turant bilkul thanda paani peena aur AC mein baith jaane bhi hanikarak hai.
  • Bahar ghoomte ho aur agar paani peete na rahe to bhi garmi ka asar hoga.  

Garmi se kaise bache

Ab jaaniye garmi se kaise bache.  Garmi se bachne ke upay kai hai. Pehle to preventive measures padhiye. 

Kya nahin karna chahiye

  • Garmi se bachne ke upay mein se ek upay yeh hai ki dopahar ke samay bahar jaane ka taaliye. Ho sake to savere ya shaam ko bahar nikle. 
  • Synthetic kapde pehan ke bahar na jaaye. 
  • Khaali pet ya to bina paani piye bahar na jaaye. 
  • Adhik bhojan karke bhi bahar na jaaye. 
  • Jyaada spicy foods na khaaye
  • Nange pair garmiyon mein garam sadko par na ghoome. 
  • Sar ko bhi khula rakh ke garmi mein dhoop mein na ghoome. 

Garmi se bachne ke liye yeh avashya kare

Ab jane garmi se bachne ka tarika : 

  • Agar aap sochte hai ki garmi se kaise bache to ek tarika jaroor apnaye. Yeh hai ki garmiyon mein loose cotton kapde hi pehne. 
  • Bahar jaane se pehle apne sar ko dhak de. Cap ya to kapde se apne sar ko dhakne se apke brain ko heat directly nahin pahunchega. Kapda se sar ko dhakna ya topi pehnana pasand nahin hai to chata ka istemal kare. 
  • Bahar jaane se pehle ek-do glass thanda paani pee le aur halka bhojan kare. 
  • Garmi se bachne ke upay mein ek tarike hai ki aap meethe, snighdha aahar ka sevan kare. Is mein shrikhand, matha, dahi, chach ho to achcha rehta hai. Pyaaj aur kache aam ka kachumber hitkari hai. Lauki, kakdi aur palak bhi thanda aahar maana jaata hai jo sharir ko thanda rakhte hai. 
  • Peene mein aam ka ras, kachche aam ka panna, pudina aur saunf ka sharbat, nimbu ka sharbat, nariyal paani, khus ka sharbat, chandan-badam ka sharbat, tamatar-pyaz ka sharbat aur lassi aap ko cool rakhenge. 
  • Bahar aap ghoomte hai to paani ka bottle apne saath rakhe aur peete rahiye taki dehydration na ho. Paani se nariyal paani behtar hai aur ganne ka ras bhi shresht hai. Bahar ghoomte ho to aap ko kahin na kahin tarbuj bechne vaale mil jaayenge. Ek dish tarbuj khaane se aap hydrate honge aur sharir bhi thanda rahega. Yeh garmi se bachne ke upayo mein se ek shresht upay hai. 
  • Loo khatarnak sabit ho sakta hai isiliye jau ke aate se paste banake apne sharir par mal de aur naha le aur phir bahar jaaye. Bahar se vapas ghar aaye to kachche aam ka panna ka sevan kare. Aam ka lep apne pairo ke talve mein lagane se bhi loo se bach jaayenge. Loo se bachne ke liye bahar jaane se pehle nakhun par pyaj ghis le. Pyaaj ka sharbat peene se bhi aap loo se surakshit rahenge. Tamatar-pyaj ka sharbat,  tamatar khaane se, pethe khaane se aur kachcha nariyal khaane se bhi aap garmi se kaise bache prashna ka jawab paayenge. 
  • Agar ghamoria ho jaaye to is se bachne ke liye bahar jaane ke pehle talcum powder chidak le apne sharir par. Corn flour bhi uttam hai. Aise hi besan bhi aap laga sakte hai to ghamoria mein rahat milega. Ghamoria mein neem ke patte ka paste banaye aur is mein tulsi ke patte ka paste mila ke lep kare to ghamoria mit jayenge. 
  • Paani peena na bhooliye. Din mein 3-4 litre paani pee le kyuki paani ke bahut fayde hai. Khaas kar ke bahar jaane ke pehle paani pee ke nikle aur vapas aane par sadharan thanda paani pee le. Agar jaljira ka sevan kare to aur bhi achcha hai. 
  • South mein imli ka adhik prayog hota hai, khaas kar ke Tamil Nadu mein, aur is ka karan hai. Imli aap ko garmi se bachaye rakhta hai aur loo ka asar nahin hoga. Imli ka chutney ya imli ka sharbat peene se yeh ek fayda hai. Kokam ka sharbat bhi garmiyon mein behtar hai. 
  • Agar aap dhoop mein ghoom ke aaye hai to chandan ka paste banaye aur multani mitti aur thoda sa malai ke saath mila ke chehre par mal de. Is se jo tvacha shyam ho gayi hai voh phir se nikhar uthega. 
  • Pudina ka chutney aur pyaaj khaane se pachan tantra theek rehta hai aur garmi se hone vali aruchi door ho jayegi. 
  • Dhoop mein ghoom ke ghar aaye ho to nimbu ka sharbat ya nariyal paani pee le. Nimbu ke sharbat mein chini aur thodasa namak avashya milaye taake jo salts pasina dwara bahar gaye hai voh replace ho jaaye. 
  • Gulkand khaane se aap garmi se bache rahenge. Gulab ka sharbat bhi faydemand hai. 

Garmi se kaise bache yeh janna jaroori hai aur khaas kar ke apne bachcho ko bhi surakshit rakhna chahiye kyonki voh khel mein garmi ka khayal nahin rakhte hai aur loo lagne ki sambhavna hoti hai. eslie en baton ka dhyan rakhin apko garmi se bachne ki dua nahi mangnee padegee.

TAGS : #garmi se kaise bache #garmi se bachne ke upay #garmi ke liye gharelu upay #garmi se bachne ke tarike #garmi se bachne ke tips #dhoop se bachne ke tips

Loading...
Leave a Comment

Your Name

Comment

0 Comments

Loading...