Carrot Benefits(गाजर के फायदे) : Gajar ke Juice Ke Fayde aur Recipe

Carrot Benefits(गाजर के फायदे) : Gajar ke Juice Ke Fayde aur Recipe

Gajar ke fayde, Carrot benefits in hindi (गाजर के फायदे) : Gajar yaane carrot winter mein milte hai aur swasthya ke liye behtreen aahar hai. Gajar ka halwa to sabhi ko pasand hai magar is ke maximum benefit ke liye ise ho sake vahan tak kachcha hi khaana chahiye. Carrots mein se aap ko betacarotene milta hai. Naya research ne yeh bataya hai ki carrots mein polyacetylenes bhi shamil hai falcarindiol aur falcarinol ke roop mein jo colon cancer se aap ko surakshit rakhenge. Beta carotene aankho ke liye to bemisal hai hi magar polyacetylenes ke saath mil ke antioxidant ka kaam bhi karta hai. Is ke alava carrot mein se aap ko milega vitamin A, K, C, B6, B3, B1, B2, E, pantothenic acid, manganese, phosphorus, copper, folate, molybdenum, potassium aur manganese. Carrots khaane se aap ko lutein, caffeic acid, coumaric acid, ferulic acid, cyanidins aur malvidins bhi paryapt matra mein milenge. Carrots mein se aap ko milega geranyl acetate jo motiya (cataract) se bachake rakhega. 

Carrots ka sevan kaise kare? Sabse uttam hai ki ise kachcha hi khaaya jaye. Kuch nashta karne ka man hua ho to ek gajar leke khaaye. Din ka shuruat carrot juice se kare to bahut hi achcha hoga. Doosra tarika hai ki gajar ko halka sa steaming kare to is ka madhurya aur badh jayega. Pulao mein gajar dalne se taste aur carrot health benefits milenge. Kyonki gajar mein rahe vitamin A or beta carotene teli padarth mein achchi tarah mil jaate hai, to gajar ka halwa ghee mein banake khud khaaye aur bachcho ko bhi khilaye. 

Lambe time tak gajar ka fayda chahe to phir is ko kaddu kas kar ke ghee mein halka bhun le aur phir fridge mein rakhe. Ghee mein beta carotene achchi tarah ghul jaata hai. 

Carrot juice benefits : Gajar Ka Juice Ke Fayde(गाजर के फायदे)

Agar aap ko poshan chahiye aur saath mein aap ko vajan bhi niyantran mein rakhna hai to din ka shuruat kare carrot juice se. Carrot juice benefits anginat hai. Gajar k eras mein aap ko upar bataye gaye sabhi poshak tatva milenge aur saath mein fibre bhi jis se jaldi se bhook nahin lagega. Carrot juice benefits is prakar hai: 

  • Ankho ki tez badhegi jab aap carrot juice ka sevan niyamat karenge. 
  • Gajar ka ras peene se aap ke tvacha ko bhi fayda hota hai. Tvacha smooth aur silky ho jayega aur is me ek glow aayegi. 
  • Carrot mein rahe tatva aap ke blood sugar ko niyantran mein rakhenge. Isi liye diabetics ke liye carrot juice gunkari hai. 
  • Savere aap gaajar ka ras ek glass piyenge to aap ka rog pratirodhak kshamta badh jayegi. Pet ko saaf kar dega aur kidney aur liver ka health improve hoga. 
  • Pachan tantra achchi tarah sudhar jayega agar aap carrot juice morning mein peene ki aadat dale to. 
  • Striyo ke liye tvacha aur kesh sundar ho jaana carrot juice ka ek amulya benefit hai. Saath mein purusho ko bhi carrot juice benefit deta hai. Is se shukrano ki sankhya aur quality mein badhotri hoti hai. 
  • Carrot juice benefit karta hai aap ke hriday ko. Dil ki majbooti banaye rakhne ke liye din mein kabhi bhi gajar ka juice avashya piye. 
  • Jin logo ko jodo ka dard pareshan karta hai unhe carrot juice peene se raahat milta hai. Carrot haddiyo ko majboot banata hai. 
  • Agar aap ko dhoop mein firna hota hai to din ka shuruat gajar ras se kare to suraj ke kirano se hone wale nuksan se bach jayenge. Carrot juice chehre par lagane se UV protection milta hai. 
  • Fungal infections mein bhi carrot juice ka sevan karna atyant labhdayi sabit hota hai. 
  • Carrot juice sirf aankho ka tej hi nahi badhata hai balki dimag ko bhi tej rakhta hai aur yaddasht badha deta hai. Har roj ek gajar khaaye ya to hapte mein teen baar gajar ka juice peene ki aadat rakhe. 
  • Carrot juice ka ek aur benefit hai ki yeh aap ke blood pressure ko niyantran mein rakhega. Carrot mein rahe coumarin se hypertension reduce ho jaata hai aur dil ka majbooti bana rahega. 
  • Cholesterol kam karna hai to carrot juice benefit dega. Is mein rahe antioxidants aur fibre cholesterol ki matra ko kam deta hai. 
  • Striyo ko to khaas carrot juice peena chahiye kyonki yeh hemoglobin badhane mein madadroop sabit hota hai. 
  • Carrot juice jo insaan regular peeta hai voh hamesha jawan dikhta hai aur sfurtila rehta hai. 
  • Mahilao ko maasik dharm agar aniyamit hai to carrot juice ke sevan se avashya fayda hoga. 

Carrot benefits for skin

  • Sir aankho aur dimag hi nahin, carrot benefits for skin bhi kai hai. Carrots mein coumarin, betacarotene, vitamin A aur Vitamin C hai. Kachche gajar chabane se aap ko yeh sabhi poshak tatva milenge aur aap ke skin problems door honge. 
  • Carrot benefit  for skin mein se ek yeh hai ki regular sevan karne se jhuriya nahin padti hai. Skin lachila aur chamakdar rehta hai aur chehre par ek glow jaisa rehta hai. 
  • Carrots ke antioxidants toxins ko bahar phenk denge aur skin mein hone vale samasya ko door karenge jaise ki acne aur kale dhabbe. 
  • Carrot juice chehre par lagane se kale dhabbe aur shyam rang mein sudhar aayega. Carrot juice mein shahad aur nimbu ka ras milane se aur asarkarak ban jaata hai. 
  • Yoon to carrot ko kacha hi chaba ke khaana uttam hai. Yeh daanto ko bhi saaf karega aur mooh mein bacteria destroy kar ke breath ko fresh bana dega. Magar aap ko juice pasand ho to kai juice recipes hai jo aap try kar sakte hai.

Carrot juice recipes

Carrot ko base banake aap chahe itne variations kar sakte hai. Try kare yahan bataye gaye carrot juice recipes: 

1. Basic carrot juice

Carrot ko dho de. Carrot ko aise kaate ki Madhya ka bhaag alag ho jaaye. Ise phenk de aur bahari hisse ka hi istemal kare. 
Mixer mein 1 inch tukde kar ke dale aur paani ke saath achchi tarah blend kare
Thodasa namak aur pepper daal ke enjoy kare. 

Yahan bataye gaye juice ko aap kapde mein se chaan sakte hai magar yeh salah dee jaati hai ki aisa na kare. Fiber ke saath hi drink enjoy kare to behtar hoga. 

2. Carrot, apple, ginger, lemon juice

  • 1 cup carrot, diced
  • ¼ cup apple, diced
  • ½ inch ginger, grated
  • ½ lemon juice
  • 1 tsp shahad

Carrot, apple aur ginger ko mixer mein blend kare paani daal ke. Glass mein bhar le aur lemon juice aur shahad mila de. Upar pudina ke patte se garnish kar ke enjoy kare. Is juice se aap ka digestive system bilkul saaf ho jayega. 

3. Carrot-buttermilk juice

  • Carrots ke tukde 1 cup
  • 1 cup dahi.
  • 1-2 chutki kala namak
  • ½ teaspoon jeera powder

Pehle carrot ko blender mein daal ke paste banaye. Phir paani daal ke achchi tarah blend kare. Us ke baad dahi daal ke blend kare. Ab namak aur jeera powder mila ke is ka sevan kare. Is se aap ko carrot ke benefits milenge aur saath mein energy aur nutrition bhi milega pure din ke liye. 

4. Carrot-hara dhaniya-pudina juice

  • 1 cup kate hue carrot
  • 1 muthi bhar dhaniya
  • ½ muthi bhar pudina ke patte
  • ½ hara mirch

dhaniya aur pudina achchi tarah dho de. In sabhi ko mixer mein pehle paste kare aur phir thanda paani jitna chahe utna mila le. Shahad aur pepper powder andar daal ke mix kare aur enjoy kare. Aankh, lungs aur tvacha ke liye yeh drink gunkari hai. 

5. Carrot-pineapple juice

  • 1 cup carrot tukde
  • 1 cup pineapple tukde
  • 2 chamach chini powder

Sabhi samagri ko mixer mein thanda paani daal ke khoob blend kare. Pudina ke patte se saja ke enjoy kare. Pet ke liye yeh carrot juice recipe beneficial hai. 

6. Carrot haldi ginger juice

Winter mein carrots uplabdh hai. Saath mein aap ko fresh haldi bhi milega is ruti mein. Detox karna hai aap ke system ko to yeh juice try kare.

  • 1 cup carrots tukde
  • ½ cup haldi ke tukde
  • 1 spoon ginger tukde
  • 1 ya do chutki kala namak
  • 1 spoon nimbu ka ras

Sabhi samagri ko mixer mein paani daal ke achchi tarah blend kare. Aap chahe to is mein shahad daal sakte hai aur kala mirch ya jeera powder bhi. Savere yeh juice peene se body detox ho jaayega aur pet ki taklif door hongi. 

7. Carrot-milk smoothie

  • Carrot ko kaddukas kare aur thodasa ghee mein sek de. Phir is ka mixer mein paste banaye. 
  • Doodh ek glass le aur is mein ek chamach shakkar daal ke ubale aur thodasa thanda kare. 
  • Ab is mein carrot ka paste mix kare aur savere is ka sevan kare to energy aur nutrition milega. Bachcho ko dene se unhe bahut fayda hoga. Carrot mein beta carotene ghee mein achi tarah ghul jaata hai aur sharir mein aasani se absorb hota hai. 

8. Carrot mango juice

  • 1 cup kate hue carrot
  • 1 cup pakke mango ke tukde
  • 1 chamach chini
  • 1 chamach cream
  • Carrot aur mango ko thanda paani ke saath blender mein khoob blend kare, chini daalna na bhule. 

Ab glass mein nikale aur upar ek chamach cream daal ke enjoy kare. 

9. Carrot Palak Beetroot juice

Carrot, beetroot aur palak ki trimurti bahut hi powerful hai. Savere agar aap yeh juice piyenge to aap ka pachan tantra sudhar jayega, liver sashakt hoga aur haddi bhi majboot hoga. 

  • 1 cup kate hue carrot
  • 1 cup dhoye aur kata hua palak
  • 1 cup beetroot ke tukde
  • 1 chamach chini
  • 1 chutki kala namak

Sabhi samagri blender mein daal de aur thanda paani daal ke khub blend kare. 

Koi bhi carrot juice recipe aap try kar sakte hai. Bas, itna yaad rakhe ki is ko kapde mein se chaan na le agar aap ko poora fayda chahiye.

TAGS : #carrot juice health benefits #carrot juice for weight loss #gajar ka juice ke fayde in hindi #carrot benefits in hindi #gajar ke fayde in hindi #carrot juice benefits in hindi #gajar khane ke fayde #gajar ka juice recipe in hindi #benefits of carrot juice in hindi #gajar ka juice ke fayde #carrot juice benefits for skin in hindi #carrot juice recipe in hindi

Loading...
Leave a Comment

Your Name

Comment

5 Comments

Piyush Gupta, Jan 14, 2017

zarur try karunga

inaya, Jan 09, 2017

gajar ka halwa kaise banaye?

mlaika, Jan 05, 2017

thnku for sharing carrot benefits in hindi

anuj, Jan 02, 2017

गाजर का रस पीने से पेशाब खुलकर आता है

meenal, Dec 25, 2016

kya gajar ka ras chehre pe laga sake hai??

Loading...