Benefits of face massage : घर पर ही करे चेहरे की मसाज

Benefits of face massage : घर पर ही करे चेहरे की मसाज

Zarur jaane apni sundar aur chamakti tawacha ke liye benefits of face massage in hindi, face massage karne ka tarika and facial massage steps at home in hindi. Massage karne se tissues revitalize hote hai, blood circulation hota hai, muscles aur skin tone ho jaate hai aur aap sada jawan dikhenge agar massage ka upyog chehre par kiya jaaye.

Massage ke kai prakar hote hai jaise ki swedish massage, french massage, thai massage vagairah. Har ek ka lakshya aur fayda alag hai. Aise hi deep massage hota hai jis mein vajan diya jaata hai aur halka massage hota hai. Deep massage mein tissues revitalize hote hai aur blood circulation sudhar jaata hai. Light massage se aap ko relaxation milta hai aur tanav mit jaata hai. Aap ke chehre mein kai nerve endings hote hai aur aap ke mastishk par, aankho ke beench mein 7 chakro mein se ek chakra sthan hai. Isiliye chehre ko massage karne par na hi sirf aap ka chehre ka dikhava sudhar jaayega balki aap ko mansik taur par bhi farak dikhai dega. Khair, logo ko to jyadatar chehre ko kaise jyaada sundar banaye us mein dilchaspi hai aur massage dwara aap ko fayde kya honge aur kaise kare voh hum yahan par self face massage steps se batayenge. 

Face massage at home karna chahe to aap kar sakte hai. Bas itna dhyan rakhe ki chehre par pehle thoda sa cream laga diya jaaye ya to halke se oil ka layer bana de. 

Cream se kare massage

  • Bazaar mein milne vaale cream ka istemal kare. Us se achcha hai doodh ka malai ka upyog karna self face massage ke liye. Upyog karne se pehle aur massage se pehle chehra dho de aur saaf kar de. 
  • Ungli ko malai se bhigoye aur phir halke se chehre ke har bhag par laga de. 
  • Ab ungliyo ko halka dabav de ke gol gol ghumate hue chehre ke har bhaag ko massage kare. 
  • Aise gol gol aur upar ki taraf ungliya ghumate hue massage karne se blood circulation improve hota hai aur jhurriya nahin padenge chehre par.
  • Is tarah se face massage at home kare to chehra damak uthega

Self Face Massage Steps in Hindi

Yeh ek saundarya badhane ka nuskha hai magar aap alag se aur fayde ke liye true massage kar sakte hai. Is ke liye self face massage steps is prakar hai. 

  • Aaram se baith jaaye. 
  • Ungliyo ko thoda sa tel mein dubo de. 
  • Pehle gale se shuruaat kare aur ungliya gol gol ghumate hue gardan ke aage (sar ko upar ki aur uthaye aur ungliya upar ki aur phere) ke bhaag ko massage kare. Is ke baad gardan ke baju ke hisse ko massage kare aur phir peeche ke bhaag ko. 
  • Ab thothi par ungli ko halka sa dabate aur gol ghumate hue maalish kare. Chin (thothi) par dono hatho ke ungli rakhe aur dono baaju upar ki taraf chamdi ki ghiste hue jadbe se leke kaano tak pahunch jaaye. 
  • Apne ungli par tel laga ke gaalo par gol gol ghumaaye aur kan ke taraf le jaaye. 
  • Ab hothon ke side aur neeche se ungli ko naak ke baaju mein ghiste hu upar ki aur le jaaye. 
  • Ab naak ko dono taraf se ghiste hue nok ki taraf tvacha ko ragde. 
  • Nak ke neeche aur hontho ke upar ke bhaag ko halke se maalish kare. 
  • Ab aankho ke neeche ke bhaag ko ungliyo ke sahare maalish kare. Bhowro ke aur se bahar ki taraf ungliyo ko kheenche. Ab aankhon ke neeche se bhowron ki taraf le jaaye. Ab aankh bandh kar de. Dono hatho ki kalaiya aur ungliyon ko ek doosre se achchi tarah ghise taaki voh garam ho jaaye. Garam hatheli ko aakhon par rakhe aur madhyama ungliya dono eyebrows ke beech ke bhaag par rakhe taaki yahan par sthit chakra par is garm ungliyo ka asar ho. Is se man aur chit shaant ho jaata hai. 
  • Ab apne mastishk ko aise he halke ungliyon ke dabav se maalish kare. 

Benefits of face massage

  • Benefits of face massage mein aap ko pakka hai ki blood circulation improve hoga aur aap ka chehra nikhar uthega. 
  • Massage karne se dead skin cells nikal jaayenge aur chehra saaf aur chamkila dikhega. 
  • Chehre ke massage se jo tvacha dhili ho ke neeche ke taraf latak jaati hai aisa nahin hoga aur jyaada umar mein bhi aap jawan lagenge, kam se kam 10 years younger!

Massage aap alag prakar se kar sakte hai

  • Deep pressure : sirf ungli ke tips se dabav deke aage peeche karne se deep tissue massage hota hai aur chehra poora tone up ho jaata hai. 
  • Light stroking massage (eflleurage) : Agar aap ke andar tanaav ho jaaye jama to effluerage yaane ungliyo ko halke se chehre par pherne se tanav kam ho jaayega. 
  • Tapotement massage : is tarike mein jaise aap aapne aap ko chata marte ho aise ungliyo ke aage ke bhaag se halke se maarte rahiye to blood circulation improve hoga. 
  • Cold massage : Baraf ko chura kar ke plastic ki thaili mein bhar ke chehre par halke se pherne se aap refresh ho jaayenge aur agar sujhan aa gaya hai to yeh kam ho jaayega, khaas kar ke aankho ke neeche ke bhaag mein. 
  • Hot massage : Reti ya nama ko garam kare tava par aur kapde mein potli bana de aur plastic ki thaili mein daal ke chehre par phirane se blood circulation improve hoga aur aap bilkul relax ho jaayenge. Raat ko sone se pehle kare. Reti ke badle chote kankar ka bhi prayog kar sakte hai.  
  • Water jet massage : Aap ke ghar mein paani force se aata hai to ek pipe laga de aur pichkari marte rahiye chehre par to aap bilkul fresh ho jaayenge. Tvacha bhi saaf ho jaayega. 
  • Oil massage : Yoon to halke se oil ka upyog kiya jaata hai magar ayurved mein adhik maatra mein oil ka bhi massage mein upyog kiya jaata hai. Tel adhik maatra mein le aur halka sa garam kare. Oil ko bottle mein har de. Dhakkan mein ched kare taali boonde gira sake. Let jaaye (bathroom mein yeh prayog kare taaki dhone mein aasaani rahe) Ek haath mein bottle pakde aur boonde apne chehre par girne de aur doosre hath se ghiste rahie. Boonde vahan girni chahiye jahan par baal shuru hote hai mastishk par aur madhya bhaag mein daale. Na sirf chehra balke apne sar ko bhi maalish kare. Tel itne giraye ki aap ka chehra aur sar aur baal latpat ho jaaye. Jaise jaise boonde gire aap ghiste hi rahiye. Is massage ka parinam anokha hota hai. 

Face Massage Tips Home Remedies

  • Massage se dikhava hi nahin sudharta hai balki aur bhi is ke upyog hai. 
  • Sar mein dard ho to mastishk aur temples (sar se side mein maathe par) halka sa massage karne se sar ka dard kam ho jaayega. 
  • Tension badh gaya hai to mastishk par massage kare aur kaano ki buti ko bhi masalte hue massage kare. 
  • Massage ke saath acupressure bhi de to aur fayda hoga alag taklifo mein. Sar ke peeche, gardan ke upar aur sar ke neeche, karod rajju ke ek inch side mein jo points hai us par dabav dene se maalish dauran, aap ko jo acne aur pimples hua ho to fayada hota hai. 
  • Teesri aankh ka jagah jo do aankho ke beech mein aur thodasa upar hai vahan par maalish aur dabav dene se pituitary gland stimulate hoga aur tvacha sundar ho jaayega. 
  • Kaan ke neeche ke line mein, barabar jahan par jawline khatam hota hai vaha par acupressure point ko press kar ne chehre par damak aata hai. Kan ki buti ko dabane se bhi nikhar aata hai. 

Yeh hai self face massage steps aur how to do face massage at home in hindi instructions. Avashya kare.

TAGS : #benefits of face massage in hindi #face massage at home in hindi #clear face tips in hindi #facial karne ka tarika in hindi #self face massage steps #facial massage steps at home in hindi #how to do face massage at home in hindi #face massage tips home remedies #face massage benefits in hindi #face massage kaise kare #face massage ka tarika #face massage tips in hindi #benefits of face massage with olive oil #benefits of face massage for men #benefits of ice massage on face #daily face massage benefits

Loading...
Leave a Comment

Your Name

Comment

21 Comments

Ravi Bedia, Dec 18, 2016

Tab to karna chahiye

simmy, Aug 31, 2016

kya pimple wali skin pe face ki massage karna sahi hota hai??

 

Neha, Dec 22, 2016

mujhe bhi janna hai

Shahana, Aug 31, 2016

bleach facial se pehle karni chaiye ya baad mai???

Priyanka, Aug 29, 2016

nice article,

Meenakshi, Aug 27, 2016

tamatar se chehre ki massage karna theek hai??

Neha, Aug 26, 2016

meri skin bahut oily hai plzz kuch bataye...

vijayta, Aug 25, 2016

face massage ek month mai kitni baar karni chaiye??

kavita, Aug 24, 2016

kya inke alawa bhi facial tips in hindi aur hai???

Niharika, Aug 21, 2016

facial step by step karna zaruri hota hai kya??

Rajini, Aug 21, 2016

thanku for sharing face cleanup tips at home.

Tanwi, Aug 19, 2016

fruit facial konsi skin type ke liye best hai??

Sushi, Aug 19, 2016

fruit facial at home pe kare to yahi step follow kare???

nishat, Aug 16, 2016

Kuch aur bi facial steps hote hai kya inke alawa??plzzz bataye

Nimrit, Aug 15, 2016

face facial benefits kya kya hai???

Seema, Aug 12, 2016

massaging face ke benefits mai plzz bataye..

vishakha, Aug 12, 2016

face massage steps pictures bhi share kare agar aapke pass hai to..!

Mitali, Aug 10, 2016

face massage tips in hindi bahut achi batai hue hai thanx...

Nikita, Aug 08, 2016

self face massage steps bhi yahi hai kya???

mohit, Aug 08, 2016

Thanku bahut acha article hai

nidhi, Aug 06, 2016

bleach kaise kare plz bataye??

mishti, Aug 04, 2016

face massage steps video bhi de aap apni post mai..